అనారోగ్యంతో బాధపడుతున్న జర్నలిస్టుకు రూ.50 వేలు చెక్కు అందచేసిన జిల్లా కలెక్టర్ హరీశ్

పత్రిక ప్రకటన

తేదీ : 11–11–2022

రాష్ట్ర ప్రభుత్వం జర్నలిస్టుల సంక్షేమానికి ఎల్లప్పుడూ కృషి చేస్తోంది

అనారోగ్యంతో బాధపడుతున్న జర్నలిస్టుకు రూ.50 వేలు చెక్కు అందచేసిన జిల్లా కలెక్టర్​ హరీశ్​

తెలంగాణ రాష్ట్ర ప్రభుత్వం జర్నలిస్టుల సంక్షేమానికి ఎల్లప్పుడూ అండగా ఉంటూ వారి సంక్షేమానికి కృషి చేస్తోందని ఈ విషయంలో జర్నలిస్టులందరికీ  అవసరమైన పథకాలను అందించేలా తెలంగాణ ప్రెస్​ అకాడమీ ఛైర్మన్​ అల్లం నారాయణ ఆధ్వర్యంలో ఎన్నో కార్యక్రమాలు చేపడుతోందని మేడ్చల్​ – మల్కాజిగిరి జిల్లా కలెక్టర్​ హరీశ్​ అన్నారు. శుక్రవారం కీసర రెవెన్యూ డివిజన్​ కార్యాలయంలో అనారోగ్యానికి గురైన మల్కాజిగిరికి చెందిన మనం దినపత్రిక జర్నలిస్టు ఈ.జె.చంద్రశేఖర్​కు జిల్లా కలెక్టర్​ హరీశ్​ రూ.50 వేల చెక్కును అందించారు. ఈ సందర్భంగా కలెక్టర్​ మాట్లాడుతూ… జర్నలిస్టుల సంక్షేమానికి, వారి శ్రేయస్సుకు రాష్ట్ర ప్రభుత్వం, ముఖ్యమంత్రి కేసీఆర్​తో పాటు ప్రెస్​ అకాడమీ అనేక సంక్షేమ పథకాలను ప్రవేశపెట్టి వాటిని అందరికీ అందేలా చూస్తోందన్నారు.  జిల్లాలోని జర్నలిస్టులు తమకేమైనా ఇబ్బందులు, అనారోగ్య సమస్యలు ఉంటే తన దృష్టికి తీసుకురావాలని వాటిని పరిష్కరించేందుకు కృషి చేస్తానని ఈ సందర్భంగా కలెక్టర్​ హరీశ్​ తెలిపారు. జర్నలిజం వృత్తిలో ఎన్నో ఇబ్బందులు ఉంటాయని వాటన్నింటినీ ఎదుర్కొంటూ… కుటుంబాలకు సంబంధించి సమస్యలను సైతం ఎదుర్కొంటూ సమాజం కోసం కృషి చేస్తారని అన్నారు. ప్రస్తుతం అనారోగ్యంతో బాధపడుతున్న జర్నలిస్టు ఈ.జె.చంద్రశేఖర్​కు ఆసుపత్రి అవసరాల నిమిత్తం రూ.50 వేలు చెక్కు అందచేయడం జరిగిందని కలెక్టర్​ హరీశ్​ స్పష్టం చేశారు. ఈ సందర్భంగా జర్నలిస్టు చంద్రశేఖర్​కు చెక్కును అందించారు. ఈ కార్యక్రమంలో కీసర ఆర్డీవో రవి,జిల్లా పౌరసంబంధాల శాఖ అధికారి కిరణ్​ కుమార్​, తదితరులు ఉన్నారు.

Share This Post