“ఇంటింటా ఇన్నోవేటర్ ” పోస్టర్ ఆవిష్కరిస్తున్న హైదరాబాద్ జిల్లా కలెక్టర్ శ్రీమతి శ్వేతామహంతి గారు. * ఆవిష్కర్తలకు ప్రోత్సాహం ఇంటింటా ఇన్నోవేటర్ ద్వారా ఎంపిక . * ఆగస్టు 10 లోగా ఆన్లైన్ ఆవిష్కరణల ను పంపాలి – Information and Public Relations Department, Government of Telangana

“ఇంటింటా ఇన్నోవేటర్ ” పోస్టర్ ఆవిష్కరిస్తున్న హైదరాబాద్ జిల్లా కలెక్టర్ శ్రీమతి శ్వేతామహంతి గారు. * ఆవిష్కర్తలకు ప్రోత్సాహం ఇంటింటా ఇన్నోవేటర్ ద్వారా ఎంపిక . * ఆగస్టు 10 లోగా ఆన్లైన్ ఆవిష్కరణల ను పంపాలి . * రాష్ట్ర ప్రభుత్వం గత మూడు ఏండ్లుగా ప్రతిష్టాత్మకంగా ఇంటింటా ఇన్నోవేషన్ నిర్వహిస్తుంది , ప్రభుత్వం ” ఇంటింటా ఇన్నోవేటర్ ” కార్యక్రమంతో సరికొత్త ఆవిష్కరణలకు అవకాశం కల్పిస్తుందని జిల్లా కలెక్టర్ శ్రీమతి శ్వేతామహంతి గారు తెలిపారు. బుధవారం ”ఇంటింటా ఇన్నోవేటర్ ” కు సంబంధించిన పోస్టర్ లను కలెక్టర్ ఛాంబర్లో ఆవిష్కరించారు , ఈ సందర్బంగా కలెక్టర్ గారు ” ఇంటింటా ఇన్నోవేటర్ ”తో ప్రతి వ్యక్తిలో ఉన్న సృజనాత్మకతను వెలికి తీయడానికి ప్రోత్సహిస్తున్నట్లు తెలిపారు , పాఠశాల విద్యార్థులు , కళాశాల విద్యార్థులు , విద్యా వేత్తలు , వ్యాపారవేత్తలు , వ్యవసాయదారులు , గృహిణుల తో పాటు అన్ని రంగాల వారు ఈ కార్యక్రమంలో పాల్గొన్న వచ్చు న్నారు . వినూత్న ఆలోచనలకు రూపకల్పన చేసి జిల్లా నుండి అధిక సంఖ్యలో ఆవిష్కరణలు వెళ్లేలా కృషి చేయాలని సూచించారు . * మరో ఆరు రోజులే గడువు :- ఆవిష్కర్తలు తమ ఆవిష్కరణకు సంబంధించిన రెండు నిమిషాల వీడియోను , నాలుగు ఫొటోలు , ఆవిష్కరణకు సంబంధించిన ఆరు వాక్యాలు తోపాటు ఆవిష్కర్త పేరు , ఫోన్ నంబర్ , వయస్సు ప్రస్తుత వృత్తి , మండలం పేరు , జిల్లా పేరు నమోదు చేయాలి . ఈ వివరాలన్నింటినీ వాట్సాప్ నంబర్ 9100678543 కు ఈ నెల 10 వ తేదీ లోగా పంపించాలని సూచించారు . * * రాష్ట్రంలోని 33 జిల్లాల్లో ఒకేసారి 15 ఆగస్ట్ 2021 న స్వాతంత్య్ర దినోత్సవ వేడుకల సందర్బంగా ఆన్లైన్లో ఆవిష్కరణలను ప్రదర్శనలను నిర్వహించనున్నట్లు జిల్లా కలెక్టర్ శ్వేతామహంతి గారు తెలిపారు . ** సందేహాల నివృత్తికి .** ….. నూతన ప్రయోగాలు , ఆవిష్కరణ పై ఆసక్తి ఉన్నవారందరికీ చక్కటి అవకాశం మరో ఐదు రోజుల గడువు ఉన్నందుకు ఈ సమయాన్ని సద్వినియోగం చేసుకోవాలి , సందేహాలుంటే జిల్లా సైన్స్ అధికారులు సీ. ధర్మేందర్ రావు ( 7799171277 ) ఫోన్ చేసి నివృత్తి చేసుకోవచ్చు . * ” ఇంటింటా ఇన్నోవేటర్ ” పోస్టర్ ఆవిష్కరణ కార్యక్రమానికి హైదరాబాద్ జిల్లా కలెక్టర్ శ్రీమతి శ్వేతామహంతి తో పాటు జిల్లా విద్యాశాఖాధికారిణి శ్రీమతి ఆర్ రోహిణీ గారు , DPRO భాను ప్రసాద్ గారు , జిల్లా సైన్స్ అధికారి సీ .ధర్మేందర్ రావు పాల్గొనడం జరిగింది .