జలశక్తి అభియాన్ ద్వారా రంగారెడ్డి జిల్లాలో చేపట్టిన పనులను పవర్ పాయింట్ ప్రజెంటేషన్ ద్వారా అదనపు కలెక్టర్ ప్రతీక్ జైన్ జలశక్తి అభియాన్ బృందానికి వివరించారు.

మంగళవారం రంగారెడ్డి జిల్లా సందర్శనకు వచ్చిన జలశక్తి అభియాన్ కేంద్ర నోడల్ బృంద సభ్యులు అంకిత్ మిశ్రా, డిప్యూటీ సెక్రటరీ, అంకిత్ విశ్వకర్మ, సైంటిస్ట్ గార్లకు జిల్లా యంత్రాంగం తరపున అదనపు కలెక్టర్ ప్రతీక్ జైన్ జిల్లాకు ఆహ్వానించారు. గ్రామీణ అభివృద్ధి శాఖ ఆధ్వర్యంలో కలెక్టరేట్ వీడియో కాన్ఫరెన్స్ హాలులో ఏర్పాటు చేసిన సమావేశంలో అదనపు కలెక్టర్ ప్రతీక్ జైన్ పాల్గొన్నారు.

జలశక్తి అభియాన్ ద్వారా రంగారెడ్డి జిల్లాలో చేపట్టిన పనులను పవర్ పాయింట్ ప్రజెంటేషన్ ద్వారా అదనపు కలెక్టర్ ప్రతీక్ జైన్ జలశక్తి అభియాన్ బృందానికి వివరించారు.

ఈ సందర్భంగా అదనపు కలెక్టర్ మాట్లాడుతూ జిల్లాలో జలశక్తి అభియాన్ ద్వారా నీటిని నిల్వ ఉంచే ప్రయత్నంలో ఇంకుడు గుంతలు, కమ్యూనిటీ ఇంకుడు గుంతలు, బోరుబావులు, చెరువుల, చెక్ డ్యామ్ ల నిర్మాణం చేసుకుని నీటి ఒడిసి పట్టి జిల్లాలో వరి పంటలు, పండ్లు, పువ్వులు సాగు చేయుచున్న విధానము బృందానికి వివరించారు. జిల్లాలో తాగునీటి, సాగు నీటికి ఎలాంటి ఇబ్బందులూ లేకుండా ఉందని తెలిపారు.
జిల్లాలో 558 గ్రామ పంచాయతీలలో తెలంగాణాకు హరిత హారం కార్యక్రమం ద్వారా మొక్కలు నాటి, నాటిన మొక్కలను సంరక్షణ చేస్తూ పచ్చదనం పెంచడం జరుగుతుందని అన్నారు. గ్రామ నర్సరీలు, పల్లె ప్రకృతి వనాలు, బృహత్ పల్లె ప్రకృతి వనాలు ఏర్పాటు చేసి పచ్చదనం పెంపొందించడం జరిగిందని తెలిపారు.

ఈ సమావేశంలో జిల్లా గ్రామీణాభివృద్ధి శాఖ అధికారి ప్రభాకర్, అడిషనల్ పిడి నీరజా, వ్యవసాయ శాఖ, ఉద్యాన శాఖ, మిషన్ భగీరథ, ఇరిగేషన్ శాఖ అధికారులు, సంబంధిత అధికారులు తదితరులు పాల్గొన్నారు.