జవహార్ నగర్ ప్రజలందరికీ అన్ని రకాల సౌకర్యాలు కల్పిస్తాం జీహెచ్ఎంసీ మేయర్ విజయలక్ష్మి

జవహార్ ​నగర్​ ప్రజలందరికీ అన్ని రకాల సౌకర్యాలు కల్పిస్తాం

జీహెచ్​ఎంసీ మేయర్​ విజయలక్ష్మి

మేడ్చల్​ – మల్కాజిగిరి జిల్లాలోని జవహార్​నగర్​ ప్రజలందరికీ అన్ని రకాల సౌకర్యాలు కల్పించడంతో పాటు వారందరికీ ఎల్లప్పుడూ అందుబాటులో ఉంటామని గ్రేటర్​ హైదరాబాద్​ మున్సిపాలిటీ మేయర్​ గద్వాల విజయలక్ష్మి అన్నారు.

శనివారం రామ్​కీ ఎన్విరో ఇంజనీర్స్​ లిమిటెడ్​ ఆధ్వర్యంలో జవహార్​నగర్​లోని ట్రీట్​మెంట్​ అండ్​ డిస్​ప్లే ప్లాంట్​ ఫర్​ సిటీ ఆఫ్​ హైదరాబాద్​ కార్యక్రమంలో భాగంగా రాష్ట్ర ఎమ్​ఏ అండ్​ యూడీ స్పెషల్​ చీఫ్​ సెక్రెటరీ అరవింద్​కుమార్​తో కలిసి దక్షిణ భారతదేశంలోనే అతిపెద్ద వేస్ట్​ ఎనర్జీ ప్లాంట్​ను సందర్శించారు. ఈ సందర్భంగా మేయర్​ విజయలక్ష్మి మాట్లాడుతూ జీహెచ్​ఎంసీ పరిధిలో ఇలాంటి నిర్మాణాన్ని చేపట్టడం ఎంతో గర్వకారణంగా ఉందన్నారు. ఈ ప్రాంతంలో నెలకొన్న సమస్యలను ప్రజలు తమ దృష్టికి తీసుకువచ్చారని వాటిని సంబంధిత అధికారులు, ప్రజాప్రతినిధులతో మాట్లాడి వారం రోజుల్లో సమస్యలు పరిష్కరించేందుకు పకడ్భందీ చర్యలు తీసుకుంటున్నట్లు వివరించారు. దీనికి సంబంధించి మరో వారం రోజుల్లో ఈ ప్రాంతానికి వచ్చి పరిశీలిస్తామని మేయర్​ విజయలక్ష్మి స్పష్టం చేశారు. ఈ కార్యక్రమంలో స్పెషల్​ చీఫ్​ సెక్రెటరీ అరవింద్​కుమార్​, జీహెచ్​ఎంసీ కమిషనర్​ లోకేష్ కుమార్​, ఆయా శాఖల అధికారులు, ప్రజాప్రతినిధులు తదితరులు పాల్గొన్నారు.

Share This Post