తేదీ.30.5.2023.
సూర్యాపేట.
జిల్లాలో తెలంగాణ రాష్ట్ర అవతరణ దశాబ్ది ఉత్సవాలు ఘనంగా నిర్వహించాలి.
అధికారులు సమన్వయంతో కలసి పనిచేయాలి.
ప్రత్యేక అధికారుల నియామకం.
కమిటీలు ఏర్పాటు
జిల్లాలో తెలంగాణ రాష్ట్ర అవతరణ దశాబ్ది ఉత్సవాలు ఘనంగా చేపట్టాలని ప్రభుత్వం నియమించిన మున్సిపల్ ప్రత్యేక అధికారి మున్సిపల్ అడ్మినిస్ట్రేషన్ అండ్ అర్బన్ డెవలప్మెంట్ స్పెషల్ సెక్రటరీ సుదర్శన్ రెడ్డి అన్నారు. మంగళ వారం స్థానిక కలెక్టరేట్ సమావేశ మందిరంలో జిల్లా, మండల స్థాయి అధికారులతో ఉత్సవాల నిర్వహణపై ఏర్పాటు చేసిన సమావేశంలో జిల్లా కలెక్టర్ యస్. వెంకట్రావు, అదనపు కలెక్టర్ పాటిల్ హేమంత కేశవ్ లతో కలసి హాజరైనారు. ఈ సందర్బంగా ప్రభుత్వం ప్రతిష్టాత్మంకంగా నిర్వహించే కార్యక్రమంలో ప్రభుత్వ మార్గదర్శకాలకు లోబడి జూన్2 నుండి 22 వరకు అన్ని కార్యక్రమాలు ఎక్కడకూడా ఎలాంటి ఇబ్బందులు కలగకుండా ఒక నిర్దిష్టమైన ప్రణాళికతో విజయవంతం చేయాలని సూచించారు. శాఖ ల వారిగా చేపట్టబోయే కార్యక్రమాలపై స్పష్టత ఉండాలని అధికారులందరు నిబద్ధత, సమన్వయంతో పనిచేయాలని సూచించారు.
అనంతరం జిల్లా కలెక్టర్ మాట్లాడుతూ ఈ ఉత్సవాల లో భాగంగా ఫుడ్ కమిటీ, ప్రోగ్రాం కమిటీ, ఇన్విటేషన్ కమిటీ, త్రాగునీటి కమిటీ, ప్రధమ చికిత్స కమిటీ, డాక్యుమెంటేషన్ కమిటీ, కల్చరల్ కమిటీలు నియమించమని అన్నారు. కార్యక్రమంలో భాగంగా జూన్2 న గ్రామ, మండల స్థాయిలో జాతీయ పతాక ఆవిష్కరణ, అమరుల స్తూపం వద్ద నివాళులు ఉంటాయని అలాగే జిల్లా స్థాయిలో అమరులకు నివాళులు, మంత్రి వర్యులు సందేశం అలాగే వివిధ శాఖల స్టాల్స్, శకటాలు ఏర్పాటు, సాంసృతిక కార్యక్రమాలు నిర్వహణ ఉంటాయని తెలిపారు. జూన్3 న తెలంగాణ రైతు దినోత్సం కార్యక్రమంలో రైతు వేదికలో క్లస్టర్ పరిధిలో రైతుల సమావేశం, రైతు వేదికలను మామిడి తోరణాలతో అలంకరణ లైటింగ్ తో ముస్తాబు చేయాలని అలాగే వ్యవసాయ రంగంలో సాధించిన ప్రగతి, రైతు బంధు, బీమా,ఉచిత విద్యుత్ పలు పథకాల విశిష్టత తెలియ చేసే విదంగా ప్లెక్సీ లు ఏర్పాటు చేయాలని రైతులందరికీ సహపంక్తి భోజనాలు ఏర్పాటు చేయాలని అన్నారు. అలాగే 4న జిల్లా స్థాయిలో సురక్ష దినోత్సవం పోలీస్ శాఖ ఆధ్వర్యంలో శాంతి భద్రతల పరిరక్షణకు చేస్తున్న కృషి, స్నేహ పూర్వక విధానాన్ని ఘనంగా వివరించాలని అన్నారు. 5న తెలంగాణ విద్యుత్ విజయోత్సవాలు జిల్లా, నియోజక వర్గ స్థాయిలో ఘనంగా నిర్వహించాలని ఉచిత విద్యుత్ , అన్ని సబ్ స్టేషన్స్ విద్యుత్ దీపాలతో అలంక రించాలని తెలిపారు. జూన్6 న తెలంగాణ పారిశ్రామిక ప్రగతి ఉత్సవం లోపారిశ్రామిక రంగంలో సాధించిన ప్రగతి టి.యస్. ఐ పాస్ ద్వారా పరిశ్రమల స్థాపన తదితర అంశాలపై సాధించిన ప్రగతి ప్లెక్సీ లు ఏర్పాటు చేయాలని అన్నారు.జూన్ 7న సాగునీటి దినోత్సవం లో సాగునీటి రంగంలో సాధించిన ప్రగతి ప్రతి నియోజక వర్గంలో వెయ్యి మంది తో సభలు ఏర్పాటు రైతులు, ప్రజా ప్రతినిధులు, ఇరిగేషన్ అధికారులు పాల్గొనాలని అన్నారు. జూన్8 న ఊరూ రా చెరువుల పండుగ లో గ్రామ పంచాయతీలు, నీటి పారుదల శాఖ ఆధ్వర్యంలో పెద్ద చెరువుల వద్ద చెరువుల పండుగ ఘనంగా నిర్వహించాలని అలాగే డప్పులు, బోనాలు, బతుకమ్మ, మత్య కారుల వలల ఊరేగింపుగా కొనసాగాలని కట్ట మైసమ్మ పూజలు , నీటి పూజలు చేపట్టాలని అలాగే సాంసృతిక కార్యక్రమాలు చేపట్టాలని అన్నారు. జూన్ 9 న తెలంగాణ సంక్షేమ సంబురాలు నియోజక వర్గ స్థాయిలో ఆసరా పింఛన్లు, కల్యాణ లక్ష్మీ, లబ్దిదారులతో వెయ్యి మందికి తగ్గకుండా సభలు నిర్వహించాలని అలాగే లబ్ధిదారుల తో మాట్లాడించాలని సాధించిన ప్రగతి పై ప్లెక్సీ లు ఏర్పాటు చేయాలని అన్నారు. జూన్10 న తెలంగాణ సుపరిపాలన దినోత్సవం సందర్బంగా అన్ని జిల్లా కేంద్రాల్లో సమావేశాలు ఏర్పాటు చేసి ప్రభుత్వం ద్వారా ప్రజలకు కలిగే మేలును ప్రస్తావించాలని అన్నారు. అలాగే జూన్11న తెలంగాణ సాహిత్య దినోత్సవాన్ని జిల్లా స్థాయిలో కవి సమ్మేళనాలు ఏర్పాటు చేసి కవులు, సాహితీ అభిమానులు అలాగే ప్రజా ప్రతినిధులు పాల్గొనేలా చూడాలని అన్నారు. జూన్12 న తెలంగాణ రన్ ఉదయం 6 గంటలకు యువకులు, విద్యార్థులు ప్రజా ప్రతినిధులు కార్యక్రమలో పాల్గొనేలా కార్యక్రమం నిర్వహించాలని పోలీస్ శాఖ ఆధ్వర్యంలో చేపట్టాలని అన్నారు. జూన్13 న మహిళ సంక్షేమ దినోత్సవం అన్ని నియోజక వర్గ కేంద్రాల్లో నిర్వహించాలని ప్రభుత్వం తీసుకుంటున్న కార్యక్రమాలు, అమలు చేస్తున్న సంక్షేమ పథకాల పై సమావేశంలో వివరించాలని అన్నారు. జూన్14 తెలంగాణ వైద్య ఆరోగ్య దినోత్సవాన్ని ఘనంగా నిర్వహించాలని నియోజక వర్గ స్థాయిలో kcr కిట్స్, న్యూట్రిషన్ కిట్స్, కంటి వెలుగు, సాధించిన ప్రగతిపై కార్యక్రమం ఉండాలని అలాగే వైద్య సిబ్బంది తో అలాగే సభలు నిర్వహించాలని అన్నారు. జూన్15 న తెలంగాణ పల్లె ప్రగతి దినోత్సవం సందర్బంగా జాతీయ జెండా ఆవిష్కరణ , పల్లె ప్రగతి సాధించిన విజయాలు, గ్రామానికి వచ్చిన నిధులు తదితర అంశాలపై ప్లెక్సీ లు ఏర్పాటు చేయాలని అన్నారు. అలాగే తెలంగాణ పట్టణ ప్రగతి దినోత్సవం సందర్బంగా పట్టణ ప్రగతి ద్వారా అందిన నిధులు వివిధ సంక్షేమ పథకాల ద్వారా లబ్ది తదితర అంశాల పై ఫ్లేక్సీలు ఏర్పాటు చేయాలని అన్నారు. జూన్17న తెలంగాణ గిరిజనోత్సవం సందర్బంగా తండాలను గ్రామ పంచాయతీలు గా ఏర్పాటు..గిరిజన సంక్షేమం కోసం తీసుకుంటున్న చర్యలు వివిధ అభివృద్ధి అంశాలపై ప్లెక్సీ లు ఏర్పాటు చేయాలని అన్నారు. అలాగే జూన్18 న తెలంగాణ మంచినీటి పండుగ సంధర్బంగా మిషన్ భగీరథ, ఇంటింటికి నల్లాలు అలాగే గ్రామంలో మహిళలతో సభలు నిర్వహించాలని సూచించారు. జూన్19 న తెలంగాణ హరితోత్సవం సంధర్బంగా గ్రామాల్లో, పట్టణాల్లో పెద్ద ఎత్తున మొక్కలు నాటాలని చేస్తున్న కృషిని వివరించాలని అన్నారు. జూన్20 న తెలంగాణ విద్యా దినోత్సవం సందర్బంగా విద్యా సంస్థలు నుండి విశ్వ విద్యాలయాల వరకు విద్యాభివృద్ధికి చేస్తున్న కృషి వివరించాలని తెలిపారు. జూన్21న తెలంగాణ ఆధ్యాత్మిక దినోత్సవం సందర్బంగా దేవాలయాలు, మసీదులు, చర్చీల లో ప్రత్యేక పూజలు నిర్వకహించాలని ప్రత్యేక భక్తి, సాంసృతిక కార్యక్రమాలు చేపట్టాలని తెలిపారు. అలాగే జూన్22 న అమరుల సంస్మరణ సందర్బంగా జి.పిలలో 11 గంటలకు సమావేశం కావాలని అలాగే అమరుల శ్రద్ధాంజలి గటించాలని అన్ని నియోజక వర్గాల్లో కార్యక్రమాలు చేపట్టాలని తెలిపారు.
ఈ సమావేశంలో జెడ్.పి. సి.ఈ. ఓ సురేష్, పి.డి. కిరణ్ కుమార్, డి.పి.ఓ యాదయ్య, డి.ఏ.ఓ రామారావు నాయక్, సి.పి.ఓ జి. వెంకటేశ్వర్లు జిల్లా, మండల స్థాయి అధికారులు తదితరులు పాల్గొన్నారు.
h