ప్రభుత్వ ఆదేశాల ప్రకారం లాటరీ పద్దతి ద్వారా A4 వైన్ షాపుల రిజర్వేషన్ కేటాయింపు ప్రక్రియను జిల్లా కలెక్టర్ కార్యాలయంలో జిల్లా కలెక్టర్ నిఖిల అధ్యక్షతన నిర్వహించడం జరిగినది.
జిల్లాలో SC లకు – 9, ST లకు – 2, గౌడ కులస్తులకు – 6 చొప్పున మొత్తం 17 A4 వైన్ షాపులను లాటరీ ద్వారా రిజర్వేషన్ చేసి కేటాయిస్తున్నట్లు జిల్లా కలెక్టర్ నిఖిల తెలిపారు. వికారాబాద్ కు 3 – SC, పరిగి SC – 1, ST -1, గౌడ -2, తాండూర్ SC -3, గౌడ -3, మోమిన్ పేటకు SC -2
ST -1 అలాగే కొడంగల్ లో గౌడ కు -1 చొప్పున వైన్ షాపుల రిజర్వేషన్ ఖరారు చేయడం జరిగిందన్నారు.
ఈ కార్యక్రమంలో ఎక్సజ్ సూపరింటెండెంట్ వరప్రసాద్, జిల్లా షెడ్యూల్ కులాల అభివృద్ధి అధికారి మల్లేశం, షెడ్యూల్ తెగల అభివృద్ధి అధికారి కోటాజి, వెనుకబడిన తరగతుల అభివృద్ధి అధికారి పుష్పలత తదితరులు పాల్గొన్నారు.
