ప్రెస్ నోట్:03. 06. 2022 ఈరోజు తెల్లవారుజామున ఉదయం 4 గంటల నుండి 8 గంటల వరకు యాదాద్రి జోన్ -5 అసిస్టెంట్ కంట్రోలర్ వి. జ్యోతిర్మయి ఆధ్వర్యంలో యాదాద్రి భువనగిరి జిల్లా ఫుడ్ సేఫ్టీ అధికారిణి పి. స్వాతి, సూర్యాపేట జిల్లా ఇన్చార్జి FSO సి.హెచ్ . కృష్ణ మూర్తి ,చౌటుప్పల్ ACP ఉదయ్ కిరణ్ రెడ్డి తమ పోలీస్ బృందంతో కలిసి చౌటుప్పల్ పరిధిలోని పోచంపల్లి ,భీమనపల్లి గ్రామాలలో పాల కల్తీ పై ఆకస్మిక దాడులు చేశారు

తనిఖీలో భాగంగా చౌటుప్పల్ తదితర ప్రాంతాల నుండి హైదరాబాద్ కు తరలిస్తున్న పాల వాహనములను , వ్యాపారస్తుల ఇళ్లను తనిఖీ చేసి సుమారు 10 అనుమానిత శాంపిల్స్ ను సేకరించి హైదరాబాద్ నాచారం లో గల స్టేట్ ఫుడ్ ల్యాబరేటరీ కు పంపించడం జరిగింది . వాటి ఫలితాల ఆధారంగా పాల కల్తీకి పాల్పడిన వారిపై చట్టరీత్యా చర్యలు తీసుకోబడుతాయని, గత నెల రోజుల నుండి యాదాద్రి జిల్లాలో వరుస కేసులు నమోదు కావడంతో స్పెషల్ డ్రైవ్ నిర్వహించడం జరిగిందని , ఇక నుంచి కల్తీ పై ప్రత్యేక నిఘా పెట్టి తరచుగా ఆకస్మిక తనిఖీలు నిర్వహిస్తామని, కల్తీ పాలు తాగటం వల్లన ప్రజలకు ఆరోగ్య పరమైన సమస్యలు వస్తాయని , ప్రజలు కూడా అవగాహన కలిగి ఉండి పాలను కొనుగోలు చేసి ఉపయోగించుకోవాలని, కల్తీకి పాల్పడితే ఎంతటి వారినైనా ఉపేక్షించేది లేదని వారు హెచ్చరించారు.

Share This Post