బంగాళాఖాతంలో ఏర్పడిన అల్పపీడనం వల్ల రానున్న రెండు రోజులు భారీ నుండి భారీ వర్షాలు వచ్చే అవకాశం ఉన్నదని అధికారులు కార్యస్థానాల్లో ప్రజలకు అందుబాటులో ఉండాలని జిల్లా కలెక్టర్ అనుదీప్ అధికారులను ఆదేశించారు.

సోమవారం వర్షాలు వల్ల తీసుకోవాల్సిన జాగ్రత్తలు, పొంగి పొర్లే వాగులు దాటకుండా భారీ కేండింగ్ ఏర్పాటు,  చెరువులు సంరక్షణ చర్యలు, సహాయత కొరకు కంట్రోల్ రూములు ఏర్పాటు తదితర అంశాలపై కలెక్టరేట్ సమావేశపు హాలు నందు అధికారులతో సమావేశం నిర్వహించారు.  ఈ సందర్భంగా ఆయన మాట్లాడుతూ అత్యవసర సేవలకు ఏర్పాటు చేసిన కంట్రోల్ రూముకు ప్రజలు ఏ సమయంలో నైనా ఫోన్ చేయాలని చెప్పారు. కంట్రోల్ రూము నందు  సిబ్బంది 24 గంటలు అంఫుబాటులో ఉంటారని చెప్పారు.  వర్ష సూచన ఉన్న నేపథ్యంలో ప్రజలు అత్యంత అప్రమత్తంగా ఉండాలని జిల్లా కలెక్టర్ అనుదీప్ తెలిపారు.  కలెక్టరేట్ నందు  08744-241950, భద్రాచలం సబ్ కలెక్టర్ కార్యాలయం నందు   08743-232444 తో పాటు   ఫోటోలు, వీడియోలు పంపుటకు  ప్రత్యేకంగా  9392919743

వాట్సప్ చేయాలని ఆయన చెప్పారు.  జాలర్లు చేపల వేటకు వెళ్ళొద్దని, వాగులు వంకలు పొంగి పొర్లే ప్రాంతాలల్లో రైతులు పొలం పనులకు వెళ్ళొద్దని, పశువులను ఇంటి పట్టునే ఉంచాలని, ఈ సమయంలో  ప్రజలు ఇంటి పట్టునే ఉండాలని, ప్రయాణాలు సైతం మానుకోవాలని చెప్పారు.

Share This Post