ప్రచురణార్థం
బీసి కుల, చేతి వృత్తుల వారు ఆర్థిక సహాయం కొరకు జూన్ 20 లోపు ఆన్ లైన్ లో దరఖాస్తు సమర్పించాలి … జిల్లా కలెక్టర్ డాక్టర్ ఎస్. సంగీత సత్యనారాయణ
————————–
పెద్దపల్లి, జూన్-07:
————————–
జూన్ 20 లోపు బీసి కుల, చేతి వృత్తుల వారు ప్రభుత్వం అందించే ఆర్థిక సహాయం కోసం దరఖాస్తులను ఆన్ లైన్ లో సమర్పించాలని జిల్లా కలెక్టర్ డాక్టర్ ఎస్. సంగీత సత్యనారాయణ ఒక ప్రకటనలో తెలిపారు.
తెలంగాణ ప్రభుత్వం బీసీ కుల వృత్తులు, చేతి వృత్తుల వారికి లక్ష రూపాయల ఆర్థిక సహాయం అందించాలని నిర్ణయించిందని, కుటుంబంలో ఒకరికి మాత్రమే గ్రాంట్ ఇవ్వబడుతుంది అని, బిసి కులవృత్తులు, చేతివృత్తులు చేసుకునే ప్రజలు ఆన్ లైన్ లో https://tsobmmsbc.cgg.gov.in నందు జూన్ 20 లోపు దరఖాస్తు చేసుకోవాలని తెలిపారు.
ప్రభుత్వం అందించే ఆర్థిక సహాయం కోసం దరఖాస్తుదారుల అర్హత వయస్సు 18 నుంచి 55 సంవత్సరాల మధ్యలో ఉండాలని, వార్షికాదాయం గ్రామీణ ప్రాంతాల్లో లక్షా 50 వేలు, పట్టణ ప్రాంతాల్లో 2 లక్షలు ఉండాలని అన్నారు.
దరఖాస్తు తేదీ నుండి గత ఐదు సంవత్సరాల వరకు ఇప్పటికే వివిధ సంక్షేమ పథకాలు క్రింద రూ.50 వేలు అంతకంటే ఎక్కువ పొందిన లబ్ధిదారులు అనర్హులని తెలిపారు.
బీసి కులవృత్తులు, చేతి వృత్తుల ఆర్థిక సహాయం కోసం అర్హత కల్గిన లబ్దిదారులు ఆన్ లైన్ నందు కుల, ఆదాయ ధ్రువీకరణ పత్రం, ఆధార్ కార్డు, ఆహార భద్రత కార్డు, పాస్ పోర్ట్ సైజ్ ఫోటో, బ్యాంకు పాస్ బుక్ జత చేస్తూ జూన్ 20 లోపు దరఖాస్తు చేసుకోవాలని జిల్లా కలెక్టర్ ఆ ప్రకటనలో తెలిపారు.
—————————————————-
జిల్లా పౌర సంబంధాల అధికారి కార్యాలయం, పెద్దపల్లిచే జారీ చేయనైనది.
