ప్రభుత్వ ఆదేశాల మేరకు లాటరీ పద్ధతిన బ్రాందీ షాపుల (A4 దుకాణాలు) కేటాయింపు ప్రక్రియను నిర్వహించడం జరిగిందని జిల్లా కలెక్టర్ సిక్తా పట్నాయక్ అన్నారు. సోమవారం రోజున కలెక్టర్ క్యాంపు కార్యాలయంలో బ్రాందీ షాపుల కేటాయింపు లాటరీ పద్ధతిన సంక్షేమ శాఖల అధికారుల సమక్షంలో నిర్వహించారు. ఈ సందర్బంగా కలెక్టర్ మాట్లాడుతూ, కమీషనర్, ఎక్సయిజ్ శాఖ వారు 40 దుకాణాలను కేటాయించడం జరిగిందని, వారి ఆదేశాల ప్రకారం జిల్లాలో 25 దుకాణాలు ఓపెన్ కంపిటేషన్, 9 దుకాణాలు షెడ్యూల్డు తెగల వారికీ, 5 దుకాణాలు షెడ్యూల్డు కులాల వారికీ, ఒక దుకాణం గౌడ కులస్తులకు కేటాయించడం జరిగిందని తెలిపారు. ఈ కార్యక్రమంలో జిల్లా ప్రొబిషన్, ఎక్సయిజ్ అధికారి ఎస్.రవీందర్ రాజు, జిల్లా షెడ్యూల్డు కులాల అభివృద్ధి అధికారిణి సునీత, జిల్లా వెనకబడిన తరగతుల సంక్షేమ అధికారి రాజలింగం, సహాయ గిరిజన సంక్షేమ అధికారి ప్రణయ్, సిఐ CH.శ్రీనివాస్, ఉట్నూర్ సిఐ మంగమ్మ, ఎస్ఐ K.అరుణ్ కుమార్, కార్యాలయ పర్యవేక్షకులు ఇమాన్యుల్, తదితరులు పాల్గొన్నారు.
