పత్రికా ప్రకటన. తేది:27.04.2023, వనపర్తి.
లే అవుట్లను క్రమబద్ధీకరించుటకు జాప్యం లేకుండా చర్యలు చేపట్టాలని సంబంధిత అధికారులకు జిల్లా కలెక్టర్ షేక్ యాస్మిన్ భాష ఆదేశించారు.
బుధవారం ఐ డి ఓ సి. సమావేశ మందిరంలో ఆర్ అండ్ బి, డి.పి. ఓ, మున్సిపల్ కమిషనర్లు, విద్యుత్ శాఖ అధికారులతో జిల్లా కలెక్టర్ డిస్టిక్ లెవెల్ లేఅవుట్ అప్రూవల్ కమిటీ సమీక్ష సమావేశం నిర్వహించారు. ఈ సందర్భంగా ఆమె మాట్లాడుతూ జిల్లాలో లేఅవుట్లు క్రమబద్ధీకరించడానికి కమిటీ పర్యవేక్షణ చేసి అన్ని మున్సిపాలిటీలలోని లే అవుట్లను క్రమబద్దీకరించినట్లు ఆమె తెలిపారు. ఒకటి పెండింగ్ లో ఉన్నట్లు ఆమె తెలిపారు. లే అవుట్ల క్రమబద్ధీకరణ పనులు పెండింగ్ లేకుండా పూర్తిచేయాలని అధికారులకు ఆమె సూచించారు.
ఈ కార్యక్రమంలో జిల్లా అదనపు కలెక్టర్ (లోకల్ బాడీ) ఆశిష్ సంగ్వాన్, (రెవిన్యూ) డి.వేణు గోపాల్, డి.పి.ఓ, ఆర్ అండ్ బి ఈ. ఈ. దేష్యా నాయక్, అన్ని మున్సిపాలిటీల కమిషనర్లు, విద్యుత్ శాఖ, టౌన్ ప్లానింగ్ అధికారి, తదితరులు పాల్గొన్నారు.
……..
జిల్లా పౌరసంబంధాల అధికారి, వనపర్తి ద్వారా జారి చేయబడినది.
