ప్రతి ఒక్కరికి కోవిడ్ వ్యాక్సిన్ అందించాలి :: జిల్లా కలెక్టర్ జి. రవి

ప్రచురణార్థం….1

తేదిః 16-09-2021

ప్రతి ఒక్కరికి కోవిడ్ వ్యాక్సిన్ అందించాలి :: జిల్లా కలెక్టర్ జి. రవి

జగిత్యాల, సెప్టెంబర్ 16: గ్రామాలలో ,పట్టణాల్లో ప్రతిఒక్కరికి కోవిడ్ వ్యాక్సిన్ అందించాలని జిల్లా కలెక్టర్ జి. రవి పేర్కోన్నారు. గురువారం మల్లాపూర్ మండలం రాఘవపేట, సిరిపూర్, మల్లాపూర్, ఇబ్రహీంపట్నం మండలం ముత్యంపేట, తిమ్మాపూర్, వేములకుర్తి మరియు ఎర్దండి గ్రామాలలో కోవిడ్ కేంద్రాలలో వ్యాక్సినేషన్ ప్రక్రియను స్వయంగా పరిశీలించారు. ఈ సందర్బంగా కలెక్టర్ మాట్లాడుతు, వ్యాక్సిన్ తక్కువగా తీసుకున్న గ్రామాలలో మొదట వ్యాక్సినేషన్ కేంద్రాలను ఏర్పాటుచేయాలని, గ్రామంలో ప్రతి ఇంటింటికి వార్డుల వారిగా వ్యాక్సిన్ సర్వే నిర్వహించి వ్యాక్సిన్ తీసుకోని వారిని గుర్తించి వారికి వ్యాక్సిన్ అందించేలా చర్యలు తీసుకోవాలని, వ్యాక్సిన్ పై అపోహలు ఉన్నవారికి అవగాహనను కల్పించి వారు వ్యాక్సిన్ తీసుకునేలా ప్రోత్సహించాలని పేర్కోన్నారు.

వ్యాక్సిన్ కొరకు కేంద్రాలవద్దకు వచ్చే ప్రజలకు ఇబ్బందులు కలుగకుండా సర్పంచ్ టెంటు, మంచినీటి సౌకర్యం కల్పించాలని, సిబ్బందికి భోజన ఏర్పాట్లు చేయాలని పేర్కోన్నారు. వ్యాక్సిన్ కొరకు కేంద్రాల వద్దకు ప్రజలు ఎక్కువమంది వచ్చినట్లయితే, ఇబ్బందులు కలుగకుండా రిజిస్ట్రేషన్ కొరకు ఇతర సిబ్బందిని నియమించాలని ఆర్డిఓ ను ఆదేశించారు.10 రోజులలో వ్యాక్సిన్ ప్రక్రియ పూర్తికావాలని అధికారులను అదేశించారు. సిరిపూర్ గ్రామంలో వ్యాక్సిన్ కేంద్రం వద్ద ఆడుకుంటున్న పిల్లలతో ముచ్చటిస్తూ, విద్యాభోదనను గురించి, కోవిడ్ ప్రోటోకాల్ గురించి విచారించారు. అనంతరం సానిటేషన్ పనులను పరిశీలించి గ్రామాలు చెత్తరహితంగా ఉండాలని, మురుగు కాలువల నిర్వహణ లోపం లేకుండా ఎప్పటికప్పుడు సానిటేషన్ సిబ్బందితో శుభ్రం చేయించాలని పేర్కోన్నారు. గ్రామానికి చెందిన యం. కిషన్ తనకు రేషన్ సరుకులు సాంకేతిక సమస్యల వలన రావడంలేదని కలెక్టర్ గారికి నివేదించగా,తన సమస్యను వెంటనే పరిష్కరించాలని అధికాలకు ఆదేశాలు జారీచేశారు.
ఈ పర్యటన లో ఆర్.డి.ఓ.కొరుట్ల, సర్పంచులు, ఎం.పి.పిలు, స్థానిక ప్రజాప్రతినిధులు, అధికారులు, తదితరులు పాల్గొన్నారు.

జిల్లా పౌర సంబంధాల అధికారి జగిత్యాల చే జారీ చేయనైనది.