ఘనంగా గాంధి జయంతి వేడుకలు : జాతిపిత మహాత్మా గాంధీ 152 వ జన్మదిన వేడుకలను శనివారం నిర్మల్ జిల్లా కలెక్టర్ కార్యాలయం లో ఘనంగా జరుపుకున్నారు. గాంధీజీ చిత్రపటానికి అదనపు కలెక్టర్లు శ్రీ హేమంత్ బోర్ఖడే, శ్రీ రాంబాబు లు పూలమాలలు వేసి నివాళులు అర్పించారు. ఈ సందర్భంగా వారు మాట్లాడుతూ గాంధీజీ దేశానికి అందించిన సేవలను కొనియాడారు. మహాత్మా గాంధీ అహింస మార్గంతో నే దేశానికి స్వతంత్రం సాధించారన్నారు. ప్రతి ఒకరు మహాత్ముని ఆదర్శం గా తీసుకొని ముందుకు సాగినపుడే దేశం సర్వోన్నతి చెందుతుందన్నారు. ఈ కార్యక్రమం లో జిల్లా అధికారులు కలెక్టర్ కార్యాలయం సూపరింటెండెంట్, సిబ్బంది పాల్గొన్నారు.